იურიდიული სმსახური

 

 

სამართლებრივი მუშაობის წარმართვის მიზნით, დამოუკიდებელი სტრუქტურული ერთეულის სახით, იქმნება იურიდიული სამსახური.

1. იურიდიული სამსახურის ძირითადი ამოცანებია:

ა) ტურიზმის აკადემიის საქმიანობაში კანონიერების განმტკიცება;

ბ) ტურიზმის აკადემიის ფინანსური მდგომარეობის, სამეურნეო საქმიანობის, შრომითი საქმიანობის მაჩვენებლების გაუმჯობესებისა და განმტკიცების მიზნით სამართლებრივი საშუალებების აქტიური გამოყენება;

გ) დავალებების, ვალდებულებებისა და ხელშეკრულებების შესრულების უზრუნველყოფა სამართლებრივი საშუალებებით;

დ) ტურიზმის აკადემიის კანონიერი ინტერესებისა და უფლებების დაცვა.

2. იურიდიული სამსახურის იურისტს ბრძანებით ნიშნავს დირექტორი.

იურიდიული სამსახურის იურისტის თანამდებობაზე ინიშნება უმაღლესი იურიდიული განათლების მქონე პირი.

3.  იურიდიული სამსახურის იურისტი:

ა) ამოწმებს და ვიზირებას უკეთებს დირექტორთან ხელმოსაწერად წარსადგენი დოკუმენტების კანონიერების მოთხოვნების შესაბამისობას (ბრძანებების პროექტები, ინსტრუქციები და სხვა სახის სამართლებრივი დოკუმენტები);

ბ) სხვა ქვეგანყოფილებასთან ერთობლივად ამზადებს წინადადებებს ბრძანებებში ცვლილებების შესატანად ან ფაქტიურად  ძალადაკარგული ბრძანებებისა და სხვა ნორმატიული აქტების შესაცვლელად;

გ) მონაწილეობას იღებს კოლექტიური ხელშეკრულების მომზადებასა და დადებაში, აგრეთვე შრომითი დისციპლინის განმტკიცების ღონისძიებების გატარებაში;

დ) სამართლებრივი საკითხების განხილვისას წარმოადგენს  ტურიზმის აკადემიის ინტერესებს სასამართლოში, არბიტრაჟში და სხვა ღონისძიებებში;

ე) მონაწილეობს ტურიზმის აკადემიაში შემუშავებული ნორმატიული აქტების პროექტების მომზადებაში;

ვ) იძლევა კონსულტაციებს, დასკვნებს, ინფორმაციებს ტურიზმის აკადემიის საქმიანობაში წამოჭრილ სამართლებრივ საკითხთან დაკავშირებით;

ზ) შესაბამის კომისიებში მონაწილეობს წინადადებების განხილვისას ტურიზმის აკადემიის სასწავლო, სამეცნიერო და საფინანსო-სამეურნეო საქმიანობის შემდგომი გაუმჯობესების მიზნით;

თ) ორგანიზაციას უკეთებს ზემდგომი ორგანოებიდან შემოსული ნორმატიული აქტების აღრიცხვასა და შენახვას, ორგანიზაციას უწევს თანამდებობის პირებისათვის მოქმედი კანონმდებლობის საკითხებზე ინფორმაციის გადაცემას და შესწავლას.